Almaty polıtsııasy jynystyq quldyqta bolǵan jas áıeldi azat etti
ALMATY. 24 tamyz. QazAqparat /Ádilet Musahaev/ - 30-jasar Gúlmıranyń sońǵy on kúni jan túrshigerlik jaǵdaıda bolǵan. Ol jeńgetaılardyń jelisine óziniń adamǵa sengishtigi men jýastyǵynan túsip qalǵandyǵyn aıtady.
"Bul áıel jumys izdeý barysynda qaladaǵy dámhanalardyń birine bas suqqan. Ol jerde ony daıashy qyzmetine qabyldap, Chehov kóshesi boıyndaǵy jekemenshik úıdiń birinde tildesýden ótýdi buıyrady. Kelesi kúni ol qylmys ordasy bolyp tabylatyn álgi úıge barǵan. Sodan beri ol qatty kúsh kórsetý saldarynan klıentterge jynystyq qyzmet kórsetip kelgen. Bul jaıynda bizge jedel akpar arnalary aqyly belgili boldy. Jedel áreket etý arnaıy jasaqtarynyń atsalysýymen ári óte sátti josparlanǵan arnaıy operatsııalardyń nátıjesinde jynystyq saýdanyń qurbany bosatyldy. Al onyń jumys berýshisi quryqtaldy", -deıdi Almaty qalasy ІІD-niń uıymdasqan qylmyspen kúres basqarmasynyń adamdy saýdalaý bóliminiń bastyǵy Tanat Nazanov.
Jumys berýshi men qylmys ordasynyń qojaıyny Jambyl oblysynyń Jýaly aýdanynyń 35-jasar turǵyny bolyp shyqqan. Tártip saqshylary jaldamaly páterge kelgende onda taǵy da eki boıjetken bolǵan, alaıda olar jezókshelikpen óz erikterimen aınalysyp júrgendikterin jetkizgen.
Tártip saqshylary sonymen qatar jaqyn kúnderi taǵyda seks-ordasynyń jumys istep kelgendigin anyqtaǵandyqtaryn jetkizdi, bul joly qaladaǵy qonaqúılerdiń biri jyn-oınaqqa aınalypty. Polıtseıler bul mekemeniń ákimshiligin ǵana emes basqa da jumysshylaryn da qyzdardy jynystyq qatynasqa jetkizip otyrǵandyǵy úshin jaýapqa tartty.
