Almaty polıtsııasy júrginshige qaraqshylyq shabýyl jasaǵan urylardy ustady (FOTO)
ALMATY. QazAqparat - Almatyda júrginshige qaraqshylyq shabýyl jasap, múlkin tartyp alǵandar ustaldy. Bul týraly búgin Almaty q. ІІD baspasóz qyzmetinen habarlady.
Aqmola oblysynyń eki turǵyny Almaty qalasynda qylmys jasady. Іshimdikke sylqııa toıyp alǵan olar, kóshelerdiń birinde júrginshige shabýyl jasap, ony uryp-soǵyp, múlkin tartyp alǵan.
«Urylar jábirlenýshiniń uıaly telefonyn jáne aıaǵyndaǵy báteńkesin tartyp alǵan. Qaskúnemder oqıǵa ornynan boı tasalap úlgergenimen, kóp uzamaı qolǵa tústi. Qazir olar qamaýǵa alyndy. Al aıǵaqtyq zattar tárkilenip, qylmystyq istiń materıaldaryna tirkeldi. Sondaı-aq, bul qylmystyq is QR Qylmystyq Kodeksiniń 191-shi babynyń 2-shi tarmaǵy (tonaýshylyq) sotqa deıingi tergeýdiń biryńǵaı tizilimine engizildi. Ustalǵan azamattardyń aty-jónderi anyqtalyp, olardyń buryn qylmystyq jaýapkershilikke tartylmaǵandyǵy jáne jumyssyz júrgendigi belgili boldy. Olar kezdeısoq tabystarmen kún kórgen», - dedi osyǵan oraı Almaty q. Bostandyq aýdandyq ІІB janyndaǵy polıtsııa bóliminiń bastyǵy, polıtsııa podpolkovnıgi Dinmuhamed Áýezhan.
Qazirgi tańda, polıtsııa bólimi sotqa deıingi tergeý óndirisi aıasynda kúdiktilerdiń basqa da qylmystarǵa qatysy bary-joǵyn tekserip jatyr. 
