Almaty polıtsııasy joldaǵy tártipti kvadrokoptermen baqylamaq
ALMATY. QazAqparat - Almatyda polıtseıler jol trafıgine monıtorıng júrgizý jáne ereje buzǵandardy anyqtaý maqsatynda kvadrokopterler satyp almaq, dep habarlaıdy QazAqparat tilshisi.
«Keptelisterge baılanysty ári jol-kólik oqıǵalaryn anyqtaý tıimdiligin arttyrý úshin kvadrokopterlerdi paıdalanýdy josparlap otyrmyz. Olardy álem elderi paıdalana bastaǵanyna biraz boldy. Biz de aldaǵy ýaqytta ony polıtsııa jumysyna qosýdy oılastyryp jatyrmyz», - deıdi Almaty ІІD bastyǵy Serik Kúdebaev ІT-ındýstrııa ókilderimen kezdesýde.
«Qaýipsizdikti tsıfrlandyrý» taqyrybymen ótken sharada ol aıyppuldardy resimdeý jáne sybaılas jemqorlyqty joıý úshin jeltoqsanǵa qaraı jol-patrýldik polıtsııasynyń qyzmetkerleri men arnaıy batalonǵa jańa planshetter beriletinin jetkizdi. Buǵan memlekettik bıýdjetten 224 mln teńge qarajat bólingen.
Budan tys, polıtsııa qyzmetkerleri qylmystyq isterdi elektrondy formatta júrgize bastady.
«Bas prokýratýranyń bastamasymen, elektrondy-qylmystyq isterdi meńgerip jatyrmyz. Búgingi tańda myńǵa jýyq qylmystyq isti elektrondy formatta jasap shyqtyq. Sotqa 429 isti jiberdik, bul nebári 2% bolsa da, biz bul turǵyda respýblıka boıynsha aldyńǵy qatarda kelemiz», - deıdi ol.
