Almaty polıtsııasy jol boıyna aqsha shashqan júrgizýshini izdestirip jatyr
Oqıǵa vıdeosy áleýmettik jelide tarady.
«Almatylyq jigit júrip kele jatyp eki mıllıon teńgesin shashyp aldy. Aqshasyn kórsetip maqtanǵysy keldi, biraq júzege aspady», - dep jazdy vıdeonyń sıpatamasynda.
Almaty qalalyq Polıtsııa departamenti basshysynyń tergeý jumysy jónindegi orynbasary Rýstam Ábdirahmanov júrgizýshiniń izdestirilip jatqanyn málim etti.
«Júrgizýshi óz is-áreketterimen jolda apattyq jaǵdaı týǵyzdy. Sonymen qatar kólik júrgizý kezinde tártiptiń saqtalýyna nazar aýdarǵan joq, demek bul qaıǵyly jaǵdaıǵa ákelýi múmkin edi. Vıdeonyń astyndaǵy belgilerdiń arqasynda biz bul faktini esepke aldyq jáne quqyq buzýshyny izdep jatyrmyz. Jol boıynda mundaı minez-qulyqqa jol berilmeıtindigin eske salamyn», – dedi Almaty PD bastyǵynyń orynbasary Rýstam Ábdirahmanov.
