Almaty polıtsııasy jemqorlyqqa qarsy zańnamanyń saqtalýyn qadaǵalaý maqsatynda «Ashyq esik kúnderin» ótkizýde
Bul týraly búgin Almaty q. ІІD baspasóz qyzmeti habarlady.
Sondaı sharalardyń biri qalalyq ishki ister departamentiniń bazasynda ótti. Oǵan QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń qyzmetkerleri, «Halyqaralyq quqyq qorǵaý ortalyǵy» qoǵamdyq birlestigi, sondaı-aq Almaty polıtsııasynyń qyzmetteri men bólimsheleriniń qyzmetkerleri qatysty.
«Bul jańa shara «Turǵyndardyń quqyqtyq saýattylyǵy men quqyqtyq jaýapkershiligin arttyrýǵa baǵyttalǵan keshendi sharalardy ótkizý» jobasy aıasynda júzege asyrylýda. Ol aldyn ala buqaralyq aqparat quraldary jáne áleýmettik jeliler arqyly qulaǵdar etildi. Sondyqtan oǵan qala turǵyndary da qatysty. «Ashyq esik kúnderi» aıasynda ishki ister departamentine 50-shaqty adam keldi. Olardyń kópshiligin polıtsııa qyzmetkerleri jumysynyń ereksheligi, olardyń quqyqtary men mindetteri, sondaı-aq belgili bir qylmystyq ister boıynsha zertteýlerdiń nátıjeleri qyzyqtyrdy. Al keıbir qala turǵyndary Almaty polıtsııasynyń jumysyn jaqsartý, tıimdiligin arttyrý boıynsha óz usynystaryn ortaǵa saldy. Sonymen qatar, quqyqtyq tártip ornatýda jáne qylmyspen kúresýde polıtsııa qyzmetkerleriniń atqaryp jatqan jumystaryna rızashylyqtaryn bildirdi», - dedi óz sózinde Almaty q. ІІD Kadrlyq jumys basqarmasy bastyǵynyń orynbasary, polıtsııa podpolkovnıgi Oljas Myrzabekov.
Osyndaı sharalar ótkizý maqsatynda qurylǵan komıssııa músheleri mundaı jumystardyń aldaǵy ýaqytta jalǵasa beretindigin jetkizdi. Endi olar Almatynyń segiz aýdanynyń ishki ister basqarmalary bazasynda jemqorlyqqa qarsy zańnamanyń saqtalýy jáne ony túsindirý boıynsha «Ashyq esik kúnderin» ótkizedi.
