Almaty polıtsııasy jastardyń jappaı tóbelesine baılanysty túsinik berdi
Jelide jastardyń jappaı tóbelesiniń vıdeosy tarady. Polıtseıler oqıǵaǵa qatysty túsinikteme berdi, dep QazAqparat tilshisi.
Vıdeo avtorynyń sózinshe, uly men onyń eki dosyn belgisiz bireýler uryp-soǵyp, telefonyn tartyp alyp, biriniń kózine oq atqan.
Almaty qalalyq polıtsııa departamentiniń málimetinshe, atalǵan fakti QR Qylmystyq kodeksi 293-babynyń 3-bóligi (buzaqylyq) boıynsha Almaly aýdandyq polıtsııa basqarmasynda tirkelip, tergeý amaldary júrgizilip jatyr.
«Qazirgi ýaqytta oqıǵanyń qatysýshylary men mán-jaıyn anyqtaýǵa baǵyttalǵan jedel-izdestirý sharalary qolǵa alyndy», - dep habarlady Almaty polıtsııa departamentiniń baspasóz qyzmetinen.
