Almaty polıtsııasy janarmaı stansasy mańaıy nege qorshalǵanyn túsindirdi
ALMATY. QazAqparat - Almaty polıtsııasy janarmaı quıý stansasy janyndaǵy eki adamdy óltirdi degen aqparatty joqqa shyǵardy, dep habarlaıdy QazAqparat tilshisi.
Bul oqıǵanyń vıdeosy Instagram jelisinde tarap jatyr. Oqys oqıǵa Túrksib aýdanynda bolǵan. Beınekadrda Sınoıl janarmaı stansasy janynda polıtsııa kólikteriniń turǵany túsirilgen.
Kadr syrtyndaǵy daýys taýar tasıtyn júrgizýshi men ekspedıtordy bireý óltirip ketkeni týraly aıtady.
Almaty qalalyq Polıtsııa departamentiniń baspasóz qyzmeti kisi óltirildi degen aqparatty joqqa shyǵardy.
«Bul oqıǵa birneshe kún buryn bolǵan. Adam ólimi bolǵan joq. Janarmaı quıý stansasyn bireýler tonamaq bolǵan», - dedi polıtsııa departamentiniń resmı ókili Saltanat Ázirbek.
Polıtsııa oqys oqıǵaǵa qatysty aqparatty keıinirek jarııalaıtyn bolady.
