Almaty polıtsııasy jańa avtobýstardy búldirgenderdi izdestirip jatyr
ALMATY. QazAqparat - Almaty polıtsııasy jańadan ákelingen avtobýstarǵa zaqym keltirgen adamdardy izdestirip jatyr, dep habarlaıdy QazAqparat tilshisi.
Citybus kompanııasynyń basshylyǵy kólikterine belgisiz bireýlerdiń qasqanaǵa zaqym keltirgendigin aıtyp shaǵym túsirgen. Kompanııa ókilderi №19, 98, 99 baǵdaryndaǵy avtobýstarǵa pnevmatıkalyq qarýdan oq atylǵan degen pikirde. Oq avtobýstardyń aldyńǵy jáne búıirindegi terezelerin qıratqan. Buzaqylardyń kesirinen kompanııaǵa kelgen shyǵyn 600 myń teńgeni qurady.
Avtobýstarda beınekameralar bar, alaıda olardyń kómegimen kólikterge zııan keltirip otyrǵan adamdardy anyqtaý múmkin bolmaı otyr.
«Osy oqıǵa boıynsha is Alataý aýdandyq polıtsııa basqarmasynda tirkeldi. Qazir tekserý júrgizilip jatyr. Tekserýden soń bul iske kvalıfıkatsııa beriledi. Avtobýstardyń nelikten mundaı jaǵdaıǵa ushyraǵandyǵy anyqtalady. Avtobýsqa pnevmatıkalyq qarýdan zaqym keldi me, álde basqadaı jaǵdaı boldy ma, ol jaǵyn anyqtaımyz», - dedi Polıtsııa departamentiniń resmı ókili Saltanat Ázirbek.
Buzylǵan atvobýstar ázirge reıske shyqpaı tur. Olardy jóndeýge biraz ýaqyt ketedi.
