Almaty polıtsııasy zańsyz aınalymnan qarý tárkileýge kiristi
ALMATY. QazAqparat - Almatyda Polıtsııa departamenti 10-14 shilde aralyǵynda «Qarý» jedel profılaktıkalyq operatsııasyn bastady, dep habarlaıdy QazAqparat tilshisi.
«Bul sharany ótkizýdegi maqsat operatıvti ahýaldy saýyqtyrý, qarý qoldanylatyn qylmystyń aldyn alý. Tájirıbege qarasaq, osyndaı profılaktıkalyq sharalar qaladaǵy krımınaldy ahýaldy jeńildetýge mursha beredi. Inspektorlar jarylǵysh zat, oq-dári saqtaýy múmkin degen kúdikti adamdardy tekserip jatyr. Bul shara bizge tirkelmegen qarýdy zańsyz aınalymnan tárkileýge múmkindik beredi», - dedi qalalyq Polıtsııa departamentiniń ákimshilik polıtsııa basqarmasynyń basshysy Jandos Muratalıev.
«Profılaktıkalyq shara kezinde azamattyq qarý ustaǵan jeke kásipkerlerdiń jumysy da tekserildi. Kúzet organdarynyń qarý saqtaıtyn arnaıy bólmesi bolýy shart. Eger olaı bolmasa kásipkerler jaýapkershilikke tartylady. Birinshi kúni 1000-ǵa jýyq qarý ıesi tekserildi», - dedi Polıtsııa departamentinen.
