Almaty polıtsııasy úsh adamnyń qazasyna ákep soqqan qaıǵyly oqıǵaǵa túsinikteme berdi
ALMATY. QazAqparat - Almaty polıtsııasy úsh adamnyń qazasyna ákep soqqan qaıǵyly oqıǵaǵa túsinikteme berdi. Oqys oqıǵa keshe Áýezov aýdanynda oryn alǵan.
Jer qazý jumystaryn júrgizip jatqan kezde topyraq opyrylyp, úsh er adam tirideı kómilip ketti.
Olardyń ekeýi Almaty oblysy jáne qalasynyń 33 jastaǵy turǵyndary ekendigi anyqtaldy.
Qalalyq ІІD baspasóz hatshysy Saltanat Ázirbektiń aıtýynsha, úshinshi azamattyń kim ekendigi anyqtalyp jatyr.
«Qazir taǵaıyndalǵan saraptamalardyń nátıjesin kútip otyrmyz. Negizinen bul jazataıym jaǵdaı dep tirkeldi», - dedi S.Ázirbek.
