Almaty polıtsııasy uryny oqıǵa ornynan ustady
ALMATY. QazAqparat - Almaty polıtsııasy kólikterdi tonap jatqan uryny qolǵa túsirdi, dep habarlaıdy QazAqparat tilshisi.
Qalalyq ІІD taratqan aqparatqa sáıkes, Bostandyq aýdandyq ІІB qyzmetkeri avtoturaqta aınalshyqtap júrgen adamdy baıqaǵan. Olar oqıǵany tasadan baqylaýǵa alady.
«Aqyrynda álgi adam turaqta turǵan Gazeldiń ishinen quny 100 myń teńge bolatyn Samsýng markaly uıaly telefonyn alyp qasha jóneledi. Júrgizýshi gazel kóligin ashyq qaldyrǵan eken. Aýlalardy aralap qashyp bara jatqan jerinen ony polıtsııa qyzmetkerleri ustady», - dedi qalalyq ІІD basqarma basshysy Janbolat Zıadın.
Qazir kúdikti qamaýda otyr. Tergeý amaldary júrgizilýde.
