Almaty polıtsııasy urylardan qalaı qorǵanýǵa bolatynyn aıtty
ALMATY. QazAqparat - Almatylyq polıtseıler turǵyndarǵa múlikterin urylardan qalaı qorǵaýǵa bolatynyn aıtty, dep habarlaıdy QazAqparat tilshisi
Almatyda jasalaǵan urlyqtardyń basym bóligi páterler men úılerge tıesili. Bireýdiń múlkin qoldy etý tonaýshylardyń maqsaty.
«Bizdiń turǵyndardyń arasynda «bizdiń úıde urlaıtyn eshteńe joq», degen urandary urylardy kerisinshe ózderine tartady. Sondyqtan sizdiń úıińizde nemese páterińizde shynaıy bekinis bolýy kerek. Qarapaıym erejelerdi eskerińizder. Úıge kirer esik myqty bolýy kerek. Terezelerdi qulyptap, temir torlarmen jabdyqtańyz. Sondaı-aq, esiktiń aldy, podezdiń ishinde únemi jaryq janyp turǵany abzal. Kúzet mekemesimen kúzetiletin úıler múliktiń qaýipsizdigin qamtamasyz etedi. Búginde aýlalar men kirme joldarda dabyl júıelerin jáne beınebaqylaý kameralary ornatylyp jatyr. Bul urlyqtyń aldyn alýǵa kómektesedi», - deıdi Almaty PD qaýipsizdik monıtorıngi bóliminiń bastyǵy Nurbol Qamaýbaev.
