Almaty polıtsııasy turǵyndarǵa kóp rettik maska taratyp jatyr
ALMATY. QazAqparat - Almatyda polıtsııa qyzmetkerleri turǵyndarǵa kóp rettik medıtsınalyq maska taratyp jatyr. Ereksheligi– maskada esirtkige qarsy logotıp bar, dep habarlaıdy QazAqparat tilshisi.
Almaty qalalyq Polıtsııa departamentiniń habarlaýynsha, bul aktsııa ishki ister mınıstri Erlan Turǵymbaevtyń tapsyrmasy boıynsha júzege asyrylyp jatyr.
«Almaty polıtsııasyna úsh myń dana kóleminde esirtkige qarsy logotıpi bar qaıta paıdalanýǵa bolatyn medıtsınalyq maska jetkizildi. Ótken demalys kúnderi tártip saqshylary olardy qala turǵyndary arasynda taratty»,– dep habarlady qalalyq Polıtsııa departamenti.
Atalǵan aktsııa almatylyqtardyń kóńilinen shyqty.
«Maskalar óte sapaly, olardy jýyp, qaıta qoldanýǵa bolady. Onda esirtkini paıdalanýǵa qarsy logotıp bar. Dál osy logotıp kóptegen azamattardy qýantty», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.
Spıkerdiń aıtýynsha, qorǵanys maskalaryn taratýǵa patrýldik jáne ýchaskelik polıtsııa qyzmetkerleri tartylǵan.
