Almaty polıtsııasy túngi jarys uıymdastyrylatyn jerlerge kamera ornatpaq
ALMATY. QazAqparat - Almatyda túngi jarys uıymdastyratyn jerlerge arnaıy kamera ornatylady. Bul týraly qalalyq Polıtsııa departamentiniń basshysy Qanat Taımerdenov aıtty, dep habarlaıdy QazAqparat tilshisi.
Qalada maqsatty túrde jergilikti reıd jumystary jalǵasyp jatyr.
Sońǵy úsh kúnde arnaıy batalon qyzmetkerleri jol erejesin buzǵan 115 mototsıkl júrgizýshisin ákimshilik jaýapqa tartty. 19 mototsıkl arnaıy aıyp turaǵyna qoıyldy.
«Odan bólek kólikti zańsyz jabdyqtaýǵa baılanysty, daýsyn zoraıtatyn qural qoıǵan júrgizýshilerge qatysty shara qoldanylady. Olar jınalatyn jerlerge vıdeokamera ornatylady», - dedi Qanat Taımerdenov.
Aıta ketý kerek, buǵan deıin Almatyda eki bloger kólik jarystyrǵany úshin jaýapqa tartylǵanyn jazǵan bolatynbyz.
Olardyń bireýi ustalyp, túsinik berse, ekinshisi áli qashyp júr.
