Almaty polıtsııasy túnde kóshe kezip, saýda jasaǵan balalardyń ata-anasyn jaýapqa tartty
ALMATY.QazAqparat - Almatynyń Medeý aýdanynda túnde jol ortasynda saýda jasap turǵan jasósipirimder toby anyqtaldy. Nazarbaev pen Ál-Farabı kósheleri qıylysqan tusynda 3 jasóspirim kólikterdi aralap júrip, banan satqan, dep habarlaıdy QazAqparat.
«Balalar kólikterdiń qozǵalysynyń tyǵyzdyǵyna jol boıynda saýda jasap júr. Birinshiden, budan birinshi kezekte balalardyń ómirinie qaýip tónedi, ekinshiden, jol qozǵalysynyń qatýsyshylaryna qaýip týdyrady. Onyń ústine kámelettik jasqa tolmaǵandardyń saǵat 23.00-den keıin úlkendersiz kóshede júrýi zańsyz. Ustalǵan 14,16,17 jastaǵy balalar Jambyl men Almaty oblysy óńirlerinen kelgen. Olar zańdy ókilderine tapsyrylmas buryn kámeletke tolmaǵan balalardyń beıimdeý ortalyǵyna berildi. ÁQBtK-niń 442-baby boıynsha, kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turatyn úıinen tys jerde bolýyna oraı hattama toltyryldy. Olardyń ishindegi qyz balanyń ata-anasyna ákimshilik jaza taǵaıyndaldy. Qalǵandarynyń ata-analary izdestirilip jatyr. Balalaryn qadaǵalamaı,olardyń túnde júrýine jol bergeni úshin mindetti túrde jaýapqa tartylady»,-dedi Almaty ІІD jergilikti polıtsııa qyzmetiniń ıývenaldy polıtsııa bólimi bastyǵy Leıla Álipbaeva.
Sondaı-aq tártip saqshylary úlkenderdiń balalaryn baqylaýsyz qaldyrmaýyn qatań eskertedi.
«Іri megapolıstegi qaýpsizdik sharttary men erejeleri balalarǵa da ortaq. Jasóspirimder ortasyndaǵy qylmyspen kúresý úshin únemi tekserister, reıdter men aldyn alý aktsııalary júrgiziledi. Qazir qalada «Jasóspirim jáne kóshe» sharasy ótip jatyr. Jumys barysynda jaǵdaıy nashar otbasynan shyqqan balalar, sabaqqa barmaǵandary, qańǵybastyqqa salynǵandar, úlkenderdiń qaraýynsyz qalǵandar anyqtalýda. Jol ortasynda banan, shar satyp, qaǵaz taratyndardyń ata-analary da jazadan qutylmaıdy»,-dedi Leıla Álipbaeva.
