Almaty polıtsııasy tolǵatqan áıeldi perzenthanaǵa jedel jetkizdi
ALMATY. QazAqparat - Almatyda polıtsııa tolǵaǵy qysqan áıeldi perzenthanaǵa jedel jetkizdi, dep habarlaıdy qazAqparat tilshisi.
27 jastaǵy kelinshektiń tolǵaǵy úıinde bastalǵan. Eri jedel járdem shaqyrmaı, áıelin perzenthanaǵa ózi jetkizbek bolǵan.
Alaıda, olar Aşybulaq aýylynan shyǵa beriste kepteliste bógelip qalǵan. Momyshuly men Aqyn Sara qıylysynda qobaljyǵan júrgizýshige «Býran-002» ekıpajy kelgen.
Otaǵasy polıtsııadan kelinshegin aýrýhanaǵa deıin jetkizip berýin ótingen.
«Polıtsııa serjanty Ǵalymjan Postanov pen Ámirjan Esenbaev oılanbastan kóliginiń dabylyn qosyp, «Honda» júrgizýshisine artynan erip otyrýyn aıtqan. Kelinshek 5 mınýtta №3 perzenthananyń aldyna jetkizildi. Áıel aman esen ul bala týdy. Ekeýiniń de jaǵdaıy jaqsy», - dedi qalalyq Polıtsııa departamenti jergilikti polıtsııa qyzmeti basqarmasynyń polk komandıri Manap Sattarov.
Áke atanǵan azamat kelesi kúni tártip saqshylaryn izdep taýyp kelip alǵysyn bildirgen.
«Polıtseılerdiń shuǵyl qımyldaýynyń arqasynda batyr týdy. Jaqynda serjanttar Esenbaev pen Postanov olardyń halin bilip shyǵady», - dedi polkovnık Sattarov.
