21:20, 22 Qarasha 2021 | GMT +5
Almaty polıtsııasy taǵy bir qarjy pıramıdasynyń uıymdastyrýshysyn izdestirip jatyr
ALMATY. QazAqparat - Almaty polıtsııasy qarjylyq «ınvestıtsııalyq» pıramıdanyń uıymdastyrýshysyn izdestirip jatyr, dep habarlaıdy QazAqparat tilshisi.
«Qazaqstan Respýblıkasy Qylmystyq kodeksiniń 217-baby boıynsha (qarjylyq ınvestıtsııalyq pıramıdany quryp jáne oǵan basshylyq etti) degen kúdikpen 1985 jyly 10 maýsymda týǵan Oraz Ádilet Jumabaıulyn izdestirip jatyrmyz. Іzdeýdegi adam týraly qandaı da bir málimet bolsa myna telefondarǵa habarlasýlaryńyzdy suraımyz: +7 777 953 51 11, +7 777 224 86 86 nemese 102», - dep jazdy Instagram -da Almaty polıtsııa departamenti bastyǵynyń tergeý jumystary jónindegi orynbasary Rýstam Ábdirahmanov.
Osydan bir aı buryn, Almatyda «Mudaraban Capital» kompanııasynyń basshysy qarjy pıramıdasyn uıymdastyrǵany úshin ustalǵan.