Almaty polıtsııasy sot ǵımaratynan qashyp ketken kúdiktini izdestirýde
ALMATY. QazAqparat- Almaty polıtsııasy 1991 jyly týǵan D. Dosmaǵambetovty izdestirý ústinde. Ol QR Qylmystyq Kodeksiniń 188-baby, 2-shi tarmaǵynyń 2-shi jáne 3-shi bólimderinde qarastyrylǵan qylmystardy (bógdeniń múlkin urlaý) jasaǵandy úshin ustalǵan bolatyn. Alaıda ol, sot ǵımaratynan qashyp ketti. Bul týraly búgin Almaty qalalyq ІІD baspasóz qyzmetinen habarlady.
Kúdikti ol jerge sotqa deıingi tergeý kezeńine qatysty bultartpaý sharasyn taǵaıyndaý úshin jetkizilgen bolatyn.
Belgili bolǵanyndaı, kúdikti buǵan deıin de osy tektes qylmystary úshin qylmystyq jaýapkershilikke tartylǵan.
Qazirgi tańda jedel polıtsııa qyzmetkerleri qashqyndy izdeý sharalaryn júrgizýde.
