Almaty polıtsııasy saýda úılerinde satylatyn telefondardyń IMEI kodtaryn tekserdi
ALMATY. QazAqparat - Almatyda polıtsııa urlanǵan uıaly telefondardy anyqtaý úshin IMEI kodtardy tekserip jatyr, dep habarlaıdy QazAqparat tilshisi.
Osy maqsatta qaladaǵy «Megataý», «GÝM» saýda úılerinde reıd júrgizildi.
«Basty maqsat - urlanǵan telefondardy anyqtaý, urlanǵan zatty satyp alatyn saýdagerlerdiń jolyn kesý. Bul óte úlken jumys. Ár telefonnyń IMEI kodyn jazyp alyp, arnaıy izdeý bazasyna salamyz. Ár ustalǵan telefon tekserildi. Satýshylardyń kópshiligi bul normany jaqsy biledi. Biraq, bul aktsııa qylmystyń aldyn alý maqsatynda da júrgizilip jatyr», - dedi qalalyq PD Krımınaldy polıtsııa basqarmasy basshysy Esen Ysqaqov.
