Almaty polıtsııasy reıd kezinde 100-den astam kúmándi avtokólik bólshekterin tárkiledi
ALMATY. QazAqparat - Almaty polıtsııasy avtokólikterdiń qosalqy bólshekterin satatyn saýda ortalyqtary men bazarlarda arnaıy reıdter júrgizdi. Nátıjıesinde 100-den astam kúmán týdyratyn kólik bólshekterin tárkiledi, dep habarlaıdy QazAqparat tilshisi.
Almatylyq tártip saqshylary, megopolıs bazarlarynda qylmystyq jolmen kelgen múlikti satyp alý nemese satý faktilerin anyqtaý úshin reıd júrgizdi.
«Almatydaǵy «Kar sıtı» jáne «Jibek joly» avtokólik bazarynda arnaıy reıd júrgizdik. Satýshylardan urlanǵan múlik sıpattamasyna sáıkes keletin avtokólik bólshekteri alyndy. «Kar sıtı» saýda ortalyǵynda ornalasqan 164 býtık tekserildi. Ártúrli markaly avtokólikterdiń 34 dana búıir aına, túrli óndirýshilerdiń 5 akkýmýlıatory tárkilendi. «Jibek joly» bazarynda barlyǵy 98 konteıner tekserildi, nátıjesinde ár túrli markaly kólikterdiń 7 dana búıir aınasy men 122 kólik batareıasy alyndy. Reıd barysynda barlyǵy 41 búıir aına men 127 akkýmýlıator tárkilendi», - dedi Almaty qalalyq PD krımınaldyq polıtsııa basqarmasynyń bastyǵy Esen Ysqaqov.
