Almaty polıtsııasy parktegi áıel ólimine qatysty kúdiktini ustady
ALMATY. QazAqparat – Almaty polıtsııasy Túrksib aýdanynda parkte óli kúıinde tabylǵan áıelge qatysty isti ashty, dep habarlaıdy QazAqparat tilshisi.
25 jastaǵy áıeldiń denesi Şerbakov pen Moldaǵalıeva kósheleriniń qıylysyndaǵy parkten tabyldy.
Bul derek QR QK 99-babynyń 1-bólimimen sotqa deıingi biryńǵaı tergeý isi reestrine tirkeldi.
Áıeldiń kim ekendigi birden anyqtaldy. Sot medıtsınalyq saraptama qorytyndysyna sáıkes, ony býyndyryp óltirgen.
Qalalyq polıtsııa departamentiniń baspasóz qyzmeti habarlaǵandaı, osy qylmysqa qatysy bar degen kúdikpen 35 jastaǵy er adam ustaldy.
«Kúdikti Almaty oblysynan kelgen, turǵylyqty mekenjaıy joq. Buryn da kisi ólimi úshin isti bolǵan. Ol ishimdik ishken soń áıeldi óltirgenin moıyndady. Qazir ol ýaqytsha oqshaýlaý ornyna qamaldy», - dedi qalalyq Polıtsııa departamentiniń basqarma basshysy Esen Ysqaqov.
