Almaty polıtsııasy parkomattarǵa plakat ilgenderdi ustady
ALMATY. QazAqparat - Almaty polıtsııasy parkomattarǵa Baýyrjan Baıbekti aıyptaǵan plakat ilgenderdi ustady, dep habarlaıdy QazAqparat tilshisi.
Munyń aldynda belgisiz bireýler Medeý, Bostandyq, Almaly aýdandaryndaǵy parkomattarǵa plakat japsyryp ketkenin habarlaǵan bolatynbyz. Bul paraqshalarda qaladaǵy barlyq kólik keptelisi men turaqtardyń barlyǵy Baýyrjan Baıbekke tıesili ekendigi jazylǵan.
Polıtsııa bul arandatýshylyq aqparatty jarııalaǵan tulǵalardy ustaǵanyn habarlady.
Bul derek sotqa deıingi biryńǵaı tergeý isi reestrine tirkeldi.
Paraqshalar tárkilenip, is materıaldaryna qosyldy.
«Bul iske kúdikti retinde 38, 24, 28 jastaǵy er adamdar ustaldy. Olar jalǵan aqparat jarııalanǵan plakattardy ilgenderin moıyndap otyr. Іsti bastaǵan er adam bloger Denıs Krıvosheevtiń jazbalarynan úzindi alǵandyǵyn aıtty. Polıtsııa departamenti kúdiktilerdiń árqaısysynyń qalaı áreket etkenin beınebaqylaý júıesi arqyly anyqtaǵan. Tergeý amaldary jalǵasyp jatyr», - dedi baspasóz qyzmetinen.
