Almaty polıtsııasy parasportshynyń aqshasyn urlaǵan alaıaqtardy izdestirip jatyr
ALMATY. QazAqparat - Polıtsııa almatylyq parasportshynyń protez aıaqqa jınaǵan aqshasyn urlaǵan alaıaqtardy izdeýde, dep habarlaıdy QazAqparat tilshisi.
«Qazirgi ýaqytta bul fakti Almaty qalasy ІІD tergeý basqarmasynda QRQK 190-babynyń 2-bóligimen (alaıaqtyq) tergelýde. Kúdiktilerdi anyqtaý jáne ustaý úshin krımınaldyq polıtsııa bóliminiń qyzmetkerleri tartyldy. Tıisti jedel jáne arnaıy sharalar júrip jatyr», - dep habarlady Almaty polıtsııasynyń departamentinen.
Buǵan deıin, parasportshy, ústel tennısinen sport sheberi almatylyq Baqtygúl Álimbekovanyń alaıaqtardyń qurbany bolǵany týraly habarlanǵan bolatyn.
