Almaty polıtsııasy Ózbekstan azamatshasyn jynystyq quldyqtan qutqardy
ALMATY. QazAqparat - Almatyda polıtsııa jynystyq quldyqta bolǵan Ózbekstan azamatshasyn bosatty, dep habarlaıdy QazAqparat tilshisi.
24 jastaǵy áıeldi qonaq úılerdiń biriniń qyzmetkeri 2018 jyldyń qazanynan beri jynystyq qyzmet kórsetýge májbúrlep kelgen.
«Kelinshektiń ózi tánin saýdalaýmen burynnan aınalysqanyn moıyndap tur. Qonaq úılerdiń birinde jumys isteýge ózi kelisken. Alaıda, qonaq úı admınıstratory kelinshektiń tólqujatyn tartyp alyp, tapqan aqshasyn túgel alyp otyrǵan», - dedi polıtsııadan.
Osy ýaqytqa deıin Ózbekstan azamatshasy erkinen tys jumys istep kelgen. Jaqyn kúnderi ol polıtsııaǵa habar berip úlgerdi.
«Polıtsııa jedel áreket etý operatsııasyn júrgizip, 46 jastaǵy qonaq úı admınıstratoryn ustady. Ol QR QK 308-babymen qylmystyq jaýapkershilikke tartyldy», - dedi qalalyq polıtsııa departamentiniń qylmystyq polıtsııa basqarmasy basshysynyń orynbasary Tımýr Qarjaýbaev.
«Qonaq úıdi tintý kezinde taǵy 6 jeńil júristi kelinshek ustaldy. Olardyń ekeýi Ózbekstan azamatshasy bolyp shyqty. Olar QR Kóshi-qon zańnamasyn óreskel buzyp kelgen. Taǵy bir áıeldiń jeke basyn kýálandyratyn qujaty joq bolyp shyqty», - dedi baspasóz qyzmetinen.
Jyl basynan beri adam saýdasy boıynsha 14 qylmys deregi ashyldy.
Atap aıtqanda, QR QK 309-baby boıynsha tergeletin 8 jynoınaq uıymdastyrý deregi, QR QK 308-baby boıynsha tergeletin áıeldi májbúrlep jynystyq qyzmetke tartý deregi, kámelet jasyna tolmaǵan qyzdy saýdalaýdyń 1 deregi, QR QK 128-babymen tergeletin adam saýdasynyń 1 deregi tirkelgen.
