Almaty polıtsııasy oqýshyny pyshaqpen qorqytqan adamdy izdep jatyr
ALMATY. QazAqparat – Almatyda mektep oqýshysyn belgisiz adam pyshaqpen qorqytqan, dep habarlaıdy QazAqparat tilshisi.
Qalalyq polıtsııa departamenti áleýmettik jelide taraǵan osy aqparatqa qatysty túsinik berdi.
«Oqýshynyń anasy keshe quqyq qorǵaý organdaryna shaǵymdanǵan. Oqıǵa Orbıta shaǵyn aýdanyndaǵy №60 mektep gımnazııasynyń qasynda tańǵy saǵat 10:30-da bolǵan», - deıdi departamenttiń baspasóz qyzmeti.
Anasynyń aıtýynsha, oqýshy qyzyn belgisiz er adam pyshaq kezenip mektepke deıin qýyp barǵan.
«Oqıǵa ornyna jedel tergeý toby jiberildi. Qazir olar keshendi izdeý sharalaryn uıymdastyryp jatyr. Qyz bala ózin qýalaǵan adamnyń fotorobotyn shamasy kelgenshe sýrettep berdi. Al kameranyń beınejazbasy hattamamen is materıaldaryna tirkeldi. Alynǵan beınejazba muqııat tekserip jatyr», - dep qosty polıtsııa.
