Almaty polıtsııasy muǵalimniń balalardy urýy faktisin tergeýde
ALMATY. QazAqparat - Almaty polıtsııasy balalardy urǵan pedagogti qylmystyq jaýapkershilikke tartty, dep habarlady ІІD baspasóz qyzmeti.
26 qarashada bul fakti QR QR 2-bólimi 140-babymen (pedagogtyń nemese basqa qyzmetkerdiń kámeletke tolmaǵanǵa qataldyqpen qaraýǵa ulasqan kámeletke tolmaǵandardy tárbıeleý jónindegi mindetin tıisinshe atqarmaýy) sot aldyndaǵy tergeýdiń biryńǵaı tizilimine tirkeldi. Ol boıynsha óndiristi Túrkisib aýdany ishki ister basqarmasynyń tergeý bólimi júzege asyrady.
Tergeýdiń qazirgi kezeńinde bul oqıǵa 25 qarashada Almatynyń Túrkisib aýdanynda ornalasqan jalpy bilim berý mekemesinde oryn alǵany anyqtaldy. Beınekadrlarda 22 jastaǵy muǵalimniń quqyqqa qarsy áreketteri beınelengen.
Bolǵan oqıǵa jóninde polıtsııaǵa eshkim habarlaǵan joq, oqýshylardyń ata-analarynan ótinishter túspegen. Іshki ister departamenti 28 qarashada Internet jelisinde paıda bolǵan beınejazbaǵa jedel ún qatty jáne Qazaqstan Respýblıkasynyń zańnamasyna sáıkes sharalar qabyldady.
Bul fakti boıynsha tergeý amaldary jalǵasýda.
Eske sala keteıik, jaqynda Jelide muǵalim synyp oqýshylarynyń kózinshe tórt oqýshyny uryp jatqany týraly beınejazba paıda boldy.
