Almaty polıtsııasy lıftini tepkilegen er adamdy izdestirip jatyr
ALMATY. QazAqparat - Almatyda turǵyn úılerdiń biriniń kireberisinde er adam lıftini judyryqpen uryp, qabyrǵany tepkiledi. Polıtsııa buzaqyny izdestirip jatyr, dep habarlaıdy QazAqparat tilshisi.
Er adamnyń ersi qylyǵy áleýmettik jelide tarady.
«Almaty qalasy 8-yqsham aýdandaǵy 41/6-úı. Endi lıft nege jıi buzylatyny túsinikti boldy», - dep jazdy jeli qoldanýsynyń biri.
Almaty qalalyq Polıtsııa departamenti atap ótkendeı, bul derek boıynsha eshkim aryz jazbaǵan. Alaıda tekserý sharalary uıymdastyrylady.
«Bul adam anyqtalyp, onyń is-áreketterine zańǵa sáıkes quqyqtyq baǵa beriledi. Biz onyń mundaı iske ne úshin barǵanyn anyqtaımyz»,- dedi MÁýezov aýdandyq polıtsııa basqarmasynyń bastyǵy Ulan Ábilqaıyr.
