Almaty polıtsııasy qylmyskerlerdi áleýmettik jeli kómegimen izdestirmek
ALMATY. QazAqparat - Búgin Almaty polıtsııasynyń VKontakte áleýmettik jelisinde iz-tússiz joǵalyp ketkender men qylmysty adamdardy izdestirýge múmkindik beretin jeke paraqshasy ashyldy. Bul týraly búgin Almaty qalalyq ІІD baspasóz qyzmetinen habarlady.
«Almaty - Іzdestirý» resýrsy mańyzdy áleýmettik jelilerdiń birinde quryldy jáne ony basqarýǵa óte ońaı.
«Іz-tússiz joǵalyp ketken jáne qylmysty adamdar týraly aqparattardy jarııalaýǵa arnalǵan jańa aqparattyq orta oń nátıjelerge qol jetkizýge septigin tıgizedi. Bul paraqsha departamenttiń ár túrli qyzmetteri men bólimshelerinen adam izdestirý jaıyndaǵy málimetterdiń kelip túsýine qaraı jańartylyp otyrady. Onda árbir joǵalǵan adamnyń fotosýreti, saýalnamalyq derekteri, sondaı-aq, qaı kúni, qaı saǵatta jáne shamamen qaı jerde joǵalǵany, erekshe belgileri jáne tipti kıgen kıimi týraly da málimetter jarııalanady. Olardan basqa, izdestirý isi óndirisin júrgizip jatqan laýazymdy tulǵanyń baılanys telefony jazylady. Azamattar osy telefondar boıynsha habarlasyp, aqparattarymen bólise aldy.
Biz, áleýmettik jelilerdiń damyp jatqandyǵyn eskere otyryp, ınternet paıdalanýshylardy keńinen qamtyp, qylmyskerler men joǵalyp ketkenderdi izdestirý aýmaǵyn keńeıtkimiz keledi. Qoǵamda belsendi azamattyq ustanymy bar azamattarymyz jeterlik dep sanaımyz. Olardyń keltirilgen derekter boıynsha biletin maǵlumattaryn bizge bere alatyndyǵyna senimdemiz», - dedi Almaty qalalyq ІІD resmı ókili, polıtsııa maıory Saltanat Ázirbek.
Bul jerde departamentiń resmı saıtynda birneshe jyldan beri «Іzdestirý» aıdarynyń jumys istep kele jatqandyǵyn aıta ketken jón. Ol QR ІІM Krımınaldy polıtsııa komıtetiniń kúshimen turaqty túrde jańartylyp turady.
