Almaty polıtsııasy kúzetshini soqqyǵa jyqqandardy ustady
ALMATY. QazAqparat - Polıtsııa qonaq úıdiń kúzetshisin soqqyǵa jyqqan buzaqylardy qolǵa túsirdi, dep habarlaıdy QazAqparat tilshisi.
Oqys oqıǵa "Qazaqfılm" shaǵynaýdanyndaǵy qonaq úılerdiń birinde bolǵan. Kúzetshi ǵımaratqa kirmekke árekettengen eki er adamnyń aldyn bógeıdi.
Mas kúıde bolǵan ekeýi kúzetshini soqqynyń astyna alǵan.
Qazir atalǵan derekke qatysty QR QK 293 - babynyń 2 - bólimimen, 10 7 babynyń 2 bólimimen qylmystyq is qozǵaldy.
«Qylmystyq is materıaldaryna səıkes, eki mas adamdy kúzetshi qonaq úıge kirgizbegen. Oǵan shamdanǵan ekeýi kúzetshige qol kóteredi. 30 jastaǵy kúzetshi qoly men murny synyp aýrýhanaǵa jetkizildi. Júrgizilgen jedel izdestirý sharalarynyń arqasynda 25 jastaǵy Almaty turǵyny men 28 jastaǵy Reseı azamaty ustaldy. Ekeýi de qazir ýaqytsha ustaý oqshaýlaǵyshyna qamaldy», - dedi Bostandyq aýdany polıtsııa basqarmasynyń basshysy Dəýren Ótebaev.
Qylmystyq is aıasynda birqatar sot - medıtsınalyq saraptama taǵaıyndalǵan.
