Almaty polıtsııasy kóshedegi atysqa qatysty vıdeony tekserýde
ALMATY. QazAqparat - Almaty polıtsııasy áleýmettik jelide taraǵan jol ústinde ózara qarym-qatynasty anyqtap jatqan jastarǵa qatysty vıdeony tekserip jatyr.
Bul týraly QazAqparat tilshisine ІІD ókili Saltanat Ázirbek aıtty.
Vıdeo Instagramdaǵy zhest_kz paraqshasynda jarııalanyp, onda «Eski alańda jastar arasyndaǵy atys» dep jazylǵan.
Beınetúsirilimde kóshe boıyndaǵy tóbelesten soń birneshe er adamnyń sur tústi kólikke otyryp ketip bara jatqany kórinedi. Adamdardyń taǵy bir toby jol ústinde qalyp, jaralanǵan er adamǵa kómektespek bolady.
Almaty quqyq qorǵaýshylary atalǵan vıdeonyń Almatyda, ne ózge qalada túsirilgenin tekserip jatyr.
«Qazir beınejazbanyń qaıda, qalaı túsirilgenin anyqtap jatyrmyz. Onyń Almatyda bolǵany ázirge belgisiz. Qazirgi sotqa deıingi tergeý jumystary júrgizilýde. Tolyǵyraq aqparatty keıin habarlaımyz», - dedi S.Ázirbek.
Perestrelka na staroı ploşadı mejdý molodejıý. #jestkz
