Almaty polıtsııasy «Korova bar» dámhanasyndaǵy órtke baılanysty sotqa deıingi tergeý sharasyn qolǵa aldy
ALMATY. QazAqparat - Almaty polıtsııasy «Korova bar» dámhanasyndaǵy órtke baılanysty sotqa deıingi tergeý sharasyn júrgizip jatyr. Bul týraly búgin Almaty qalalyq ІІD baspasóz qyzmeti habarlady.
«Bul fakt QR Qylmystyq Kodeksiniń 292-babyna sáıkes, sotqa deıingi tergeý tizilimine engizildi. Bul jaıyndaǵy óndiristi Almaty qalalyq ІІD Tergeý júrgizý basqarmasy júzege asyryp jatyr.
Tergeý barysynda órttiń shyǵý sebebin jáne basqa da jaǵdaıattardy anyqtaý úshin, órt-tehnıkalyq saraptama taǵaıyndaldy», - dedi óz sózinde Almaty qalalyq ІІD Tergeý júrgizý basqarmasynyń bastyǵy, polıtsııa podpolkovnıgi Rústem Ábdirahmanov.
Aıta ketelik, 10 mamyrǵa qaraǵan túni, tańǵy saǵat 04:37-de Abylaı han kóshesi 121 A mekenjaıynda ornalasqan «Korova bar» dámhanasynan órt shyqqan bolatyn. Órt sóndirý barysynda barlyǵy 7 adam qutqarylyp, 120 adam evakýatsııalandy. Olardyń ishinde úsh bala bar. Bir adam ýytty gazǵa ýlaný nyshanymen aýrýhanaǵa jatqyzyldy. Basqalaı zardap shekkender men qurban bolǵandar joq. Tilsiz jaýdy joıýǵa Órt sóndirý qyzmetiniń jeke quramynan 115 adam men 21 arnaıy tehnıka, sondaı-aq, jergilikti polıtsııa qyzmetkerleri, jedel medıtsınalyq járdem dárigerleri, kommýnaldyq qyzmetterdiń qyzmetkerleri jumyldyryldy. Órt tańǵy saǵat 05:52-de aýyzdyqtalyp, 06 saǵat 36 mınýtta tolyǵyn sóndirildi. Órttiń jalpy aýmaǵy - 1100 sharshy metrdi qurady.
Sol kúni kúndiz oqıǵa ornynda qala ákimi Baýyrjan Baıbek bolyp, kafeniń menshik ıelerine turǵyn úılerdiń zaqymdalǵan páterlerin úsh kún ishinde qalpyna keltirýdi tapsyrdy.
