Almaty polıtsııasy kópirden sekirmek bolǵan jigitti qutqardy
ALMATY. QazAqparat – Almaty polıtsııasy kópirden sekirip ketpek bolǵan er adamdy qutqaryp qaldy, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, kezekshi pýltine tańǵy 04:00 shamasynda Saın-Tóle bı qıylysyndaǵy kópirdiń qyrynda bir er adamnyń otyrǵany týraly habarlama túsken.
«Býran-093» jol partýl ekıpajy oqıǵa ornyna jedel jetkende sýıtsıd jasamaq bolǵan adamnyń qasynda taǵy bireý júrgen.
Joldan ótip bara jatqan taksı júrgizýshisi tań atpaı kópir ústinde otyrǵan adamǵa kómektespekke árekettegen.
Polıtsııa qyzmetkeri álgini bul áreketinen bas tartýǵa úgittep jatqan kezde, basqalary kópirdegi avtokólikti toqtatyp, oqıǵa ornyn qorshaýǵa aldy.
Birneshe ýaqyttan soń quqyq qorǵaýshylar ony kópirden shyǵaryp aldy.
Áýezov aýdandyq polıtsııa basqarmasynyń habarlaýynsha, Ózbekstan azamaty ózine qol salmaq bolǵan.
