Almaty polıtsııasy konteınerlerdi shaǵylysatyn elementtermen jabdyqtaýdy usyndy
«Halyq tutynatyn taýarlardy jedel jetkizý qyzmeti basshylarymen kezdesý qorytyndysy boıynsha ózekti máseleler anyqtalyp, birqatar usynystar engizildi, sonyń ishinde jumys úshin kýrerlerdi tańdaý talaptaryn kúsheıtý, olarmen jol erejelerin qatań saqtaý boıynsha aldyn alý jumystaryn kúsheıtý. Sondaı-aq, jetkizý qyzmetteriniń ákimshilikterine quqyq buzýshylardy ýaqtyly anyqtaý maqsatynda konteınerlerdi nómirleý jáne shaǵylystyratyn elementterdi qoldaný usynyldy»,- deıdi Almaty qalalyq Polıtsııa departamentiniń bastyǵy Qanat Taımerdenov.
Sonymen qatar, ol konteınerlerdi berý kezinde jumys berýshiniń derekter bazasynda kýrer týraly aqparatty jazý kerektigin aıtty.
«Sonymen qatar, QR jol júrý erejesine sáıkes konteınerdi (sómkeni) tasymaldaý úshin qolaıly jaǵdaılar jasaý qajettiligine nazar aýdaryldy velosıped pen moped júrgizýshilerine tyıym salynady: uzyndyǵy men eni ólshemderi boıynsha 50 sm-den asatyn júkterdi tasymaldaýǵa, nemese basqarýǵa kedergi keltiretin júkteme. Sonymen qatar, jol erejesin buzý faktilerin ózin-ózi anyqtaý barysynda qyzmet basshylaryna olardy ákimshilik jaýapkershilikke tartý úshin materıaldardy jedel túrde polıtsııaǵa tapsyrýdy usynamyz», - dep túıindedi Qanat Taımerdenov.
QR Jol júrý erejesiniń 24 tarmaǵy 4 tarmaqshasyna sáıkes bul kólik quraldary velosıped jolymen, velosıped jolaǵymen, al olar bolmaǵan kezde - júris bóliginiń oń jaq jıegimen, sonyń ishinde marshrýttyq kólik quraldaryna arnalǵan jol boıymen bir qatarda qozǵalýy kerek.
QR JJE buzǵany úshin moped júrgizýshileri QR ÁQbK-niń 615 baby (jaıaý júrginshilerdiń jáne basqa da jol paıdalanýshylardyń jol qozǵalysyn buzýy) boıynsha jaýapqa tartylady.