Almaty polıtsııasy kólikten shyǵatyn shýdyń deńgeıin ólsheıtin qurylǵy satyp almaqshy
NUR-SULTAN. QazAqparat – Almaty polıtsııasy kólikten shyǵatyn shýdyń deńgeıin ólsheıtin qurylǵy satyp almaqshy. Bul týraly QR Іshki ister mınıstrligi Ákimshilik polıtsııa komıteti tóraǵasynyń orynbasary Serik Túsipov vedomstvonyń aqparat alańynda ótken onlaın brıfıngide aıtty, dep habarlaıdy QazAqparat tilshisi.
«Qyrkúıek aıynan beri Almaty qalasy azamattarynyń shaǵymy boıynsha shekten tys shý qoldanatyn avtokólikterdi anyqtaý jumysy júrip jatyr. Júrgizýshilerge shýdyń deńgeıin qalaı ólsheý kerektigin barynsha túsinikti kórsetý úshin ishki ister qyzmetkerleri arnaıy mobıldi qosymshalardy qoldanyp júr. Bul jerde mobıldi qosymsha arqyly ólshengen shýdyń deńgeıi júrgizýshilerdi ákimshilik jaýapqa tartýǵa negiz bolmaıtynyn aıtý kerek. Bul qosymshalar tek túsindirý jumystary úshin qoldanylady», - degen mınıstrlik ókili bul qosymshalardyń ornyna saqshylar sertıfıkattalǵan arnaıy qurylǵy paıdalanatyn kún de alys emes ekenin atady.
«Degenmen, Almaty qalasy polıtsııa departamentiniń bıylǵy bıýdjetine avtomobıl shýynyń deńgeıin ólsheıtin sertıfıkattalǵan 10 qurylǵy alý engizilgen», - dedi Serik Túsipov.
