Almaty polıtsııasy qoldanystaǵy qarýlardy satyp alýdy bastady
ALMATY. QazAqparat - Almaty polıtsııasy qoldanystaǵy qarý-jaraqty satyp alý týraly respýblıkalyq aktsııa bastalǵanyn habarlady.
Qalalyq ІІD taratqan baspasóz habarlamasyna sáıkes, atalǵan shara qoǵam qaýipsizdigin qamtamasyz etý úshin qolǵa alynbaq.
10 sáýirden bastap erekshe nusqaý shyqqanǵa deıin respýblıka kóleminde halyqtyń jeke oq qarýlary men urys zattary, jarylǵysh zattar satylyp alynady.
«Qarýdy satyp alý QR ІІM buıryǵyna sáıkes erikti túrde jasalady. Qazir ár aýdandyq ishki ister bóliminde arnaıy komıssııa qurylyp jatyr. Komıssııa músheleri qarýdyń tehnıkalyq ahýalyn baǵalap, tólenetin ótemaqy mólsherin belgileıdi. Sonymen qatar, óz erkimen qarýyn tapsyrǵan azamattar qylmystyq jaýapkershilikten bosatylatynyn habarlaımyz», - dedi Almaty qalalyq ІІD ákimshilik polıtsııa basqarmasynyń bas ınspektory Raqym Tolokýlov.
