Almaty polıtsııasy kezekti alaıaqty tutqyndady
ALMATY. QazAqparat - Almaty polıtsııasy kezekti alaıaqty qolǵa túsirdi, - dep habarlaıdy Almaty q. ІІD baspasóz qyzmetinen.
Tergeý derekterine sáıkes, 42 jastaǵy Aqmaral Ońǵarbaeva adamdardyń senimin kirip, memlekettik baǵdarlama boıynsha baspana alarda olarǵa belgili bir jeńildikter alýǵa kómektesetindigin aıtyp, qylmystyq jolmen olardyń aqshalaryn qaltaǵa basyp otyrǵan.
«Bizdiń bólimsheniń tergeý bóliminiń óndirisinde Ońǵarbaevaǵa qatysty segiz qylmystyq is tergelýde. Búgin osy áıeldiń aldaýyna túsken taǵy bir azamat anyqtaldy. Qazir sotqa deıingi tergeý aıasynda birqatar protsessýaldyq sharalar júzege asyrylyp jatyr. Solardyń qorytyndysy boıynsha azamatsha Ońǵarbaevanyń qylmystyq áreketterinen zardap shekken adamdardyń naqty sany belgili bolady. Ońǵarbaevany tanyǵan tanyǵan adamdarǵa biz baılanys telefondaryn usynamyz. Osy nómirler boıynsha iske qatysty derekterdi habarlaýǵa bolady. Telefondar: 298-53-72 jáne 298-53-70 -, - dedi Almaty q. Áýezov aýdandyq ІІB janyndaǵy polıtsııa bóliminiń bastyǵy, podpolkovnık Murat Qaspaqbaev.
