Almaty polıtsııasy kesilgen 300 aǵashqa qatysty qylmystyq is qozǵady
ALMATY. QazAqparat – Almatynyń Medeý aýdanyndaǵy Kereı-Jánibek handar kóshesindegi 300 aǵashty kesý faktisi boıynsha qylmystyq is qozǵaldy, dep habarlaıdy QazAqparat tilshisi.
«Almaty qalalyq Polıtsııa departamenti bul fakt QR Qylmystyq kodekstiń 340-baby 1-bóligi (aǵashtar men butalardy zańsyz kesý, joıý nemese zaqymdaý) boıynsha sotqa deıingi tergeýdiń biryńǵaı tizilimine tirkelgenin habarlaıdy. Tıisti saraptama taǵaıyndaldy, onyń qorytyndysy boıynsha protsessýaldyq sheshim qabyldanady. Tergeýdi Medeý aýdandyq polıtsııa basqarmasy júrgizip jatyr», - dep habarlady qalalyq PD baspasóz qyzmeti.
Buǵan deıin, almatylyqtar 300 túp aǵashtyń zańsyz kesilgenin aıtyp shaǵymdanǵan bolatyn. Aǵashtardyń tuqymy men túrleri áli resmı anyqtalǵan joq. Botanıkalyq baq zerthanalyq zertteý nátıjesin 3-5 kún ishinde usynady.
Qazirgi boljam boıynsha Qazaqstannyń Qyzyl kitabyna engen sıvers alma aǵashtary kesilgen.
