Almaty polıtsııasy kelinshektiń 420 myń teńgesin alyp ketkenderdi izdestirip jatyr
ALMATY. QazAqparat - Almaty polıtsııasy taksıst kelinshekti pyshaqpen qorqytyp 420 myń teńgesi men qymbat uıaly telefonyn alyp ketken eki jigitti izdestirip jatyr, dep habarlaıdy QazAqparat tilshisi.
Atalǵan qylmystyq is Áýezov aýdandyq ІІB tergeý bóliminiń qaraýynda jatyr.
Bazarlardyń birinen shyǵyp kele jatqan áıel jol shetinde tońyp turǵan jas jigitti aıap, kóligine otyrǵyzyp alǵan.
Jol ústinde onyń qasyna taǵy bir er adam otyrǵan. Birneshe mınýttan soń ekeýi áıelge pyshaq kezenip qorqytyp, 420 000 teńgesi men Huawei markaly uıaly telefonyn tartyp alǵan. Іzdestirý paraǵy kris_p_almaty pablıginde jarııalandy.
Qazir bul derekke qatysty QR QK 192-baby boıynsha sotqa deıingi tergeý isi tirkeldi. Arnaıy jedel tergeý toby quryldy. Kúdiktilerdiń kim ekendigi anyqtaldy.
