Almaty polıtsııasy kassır áıelge qol jumsaǵan klıent týraly vıdeony túsindirdi
ALMATY. QazAqparat – Almaty qalasynyń polıtsııasy iri deneli er adamnyń kassır áıelge qol jumsap, oǵan esepteýish quraldy laqtyryp jatqany túsirilgen vıdeoǵa qatysty túsinik berdi, dep habarlaıdy QazAqparat.
Bul vıdeo Instagram-daǵy qazaqstandyq pablıkterdiń paraqshalarynda taralyp jatyr. Jeli paıdalanýshylary belgisiz er adamnyń áreketine narazylyǵyn bildirip otyr.
Almaty qalasy polıtsııa departamenti bastyǵynyń orynbasary Rýstam Ábdirahmanov atalǵan faktini tekserý jumystary bastalyp ketkenin málimdedi.
«Men Qyrǵyzstandaǵy áriptesterimmen baılanysqa shyqtym, olar oqıǵanyń qyrǵyz elinde bolǵanyn, al tártip buzǵan A.A. esimdi 1992 jylǵy er adam tabylyp, Bishkektegi Oktıabr aýdandyq ishki ister basqarmasyna jetizilgenin rastady. Áriptester is boıynsha tergeý amaldaryn júrgizip jatyr», - dep jazdy Rýstam Ábdirahmanov Instagram paraqshasynda.
Qyrǵyzstandyq BAQ oqıǵanyń 2 tamyz kúni bolǵanyn naqtylady.
Alkogoldi ishimdikke toıyp alǵan er adam kassır áıeldiń onymen oryssha sóıleskeni úshin agressııa tanytqan .
Tártip buzýshyny mılıtsııa alyp ketti.
