Almaty polıtsııasy Kaspi bank fılıalyn tonaýǵa qatysty túsinik berdi
ALMATY. QazAqparat - Almaty polıtsııasy bank bólimshesin tonaýǵa qatysty túsinik berdi, dep habarlaıdy QazAqparat tilshisi.
Eske salaıyq, oqıǵa 15 qazan kúni bolǵan. Almatyda qarýlanǵan eki qaraqshy Kaspi bank fılıalyna shabýyl jasady. Belgisiz adamdar bank qyzmetkerlerin qarýmen qorqytyp, aldyn ala málimetter boıynsha, 2 mln teńgeni alyp ketken. Qaraqshylardyń biri baltamen kassanyń shyny terezesin syndyryp, ishke engen.
«Bul fakti sotqa deıingi tergeýdiń biryńǵaı tiziliminde QR Qylmystyq kodeksiniń 192-baby, 3-bóligi boıynsha tirkeldi. Arnaıy jedel-tergeý toby quryldy, olardyń jumysy qylmysty ashýǵa jáne kúdiktilerdi qamaýǵa alýǵa baǵyttalǵan. Tergeý barysy Almaty qalalyq Polıtsııa departamenti basshylyǵynyń baqylaýynda», - dep habarlady departamenttiń baspasóz qyzmetinen.
