Almaty polıtsııasy qalta urylarynyń sýretterin jarııalady
ALMATY.QazAqparat- Almaty polıtsııasy urlyq jasamasa tura almaıtyn suǵanaqtardyń sýretterin jarııalady. Olardyń arasynda Resseı azamatshalary da bar, dep habarlaıdy QazAqparat tilshisi.
Almaty polıtsııasynyń málimetine sáıkes, megopolıste ústimizdegi jyldyń 1-11 tamyz aralyǵynda 19 qylmys jasaǵan, 18 qalta urysy ustaldy.Olardyń barlyǵy PD ýaqytsha ustaý ızolıatoryna qamaldy.
Kúdiktiler arasynda Reseı Federatsııasynyń eki azamatshasy bar. Balqash, Taraz jáne Qazaqstannyń basqa da aımaqtarynan kelgender jeterlik. Tájirıbe kórsetkendeı, urlyq negizinen qoǵamdyq kólikterde jáne halyq kóp shoǵyrlanǵan jerde jıi oryn alady. Sondyqtan menshik qaýipsizdik sharalaryn saqtap, qalta urylarynan saq bolý óte mańyzdy», - deıdi Almaty qalalyq PD krımınaldyq polıtsııa basqarmasy.
Almatyda ústimizdegi jyldyń birinshi jartyjyldyǵynda qalta urlyǵy 3,4 esege azaıdy.
