Almaty polıtsııasy qalta qaǵar uryny qolǵa túsirdi
ALMATY. QazAqparat - Almaty polıtsııasy qalta qaǵar kánigi uryny qolǵa túsirdi. Bul týraly búgin Almaty q. ІІD baspasóz qyzmetinen habarlady.
Tártip saqshylary ońaı oljaǵa qunyqqan Ózbekstan azamatyn 78-shi baǵdarly avtobýstyń ishinde qylmys ústinde ustady. Ol bir áıeldiń qaltasynan uıaly telefonyn urlap alǵan. Biraq, jábirlenýshi muny baıqamaǵan. Telefony qoldy bolǵanyn áıelge tártip saqshylary habarlady.
«Ustalǵan erkektiń Ózbekstan azamaty ekendigi, buǵan deıin talaı ret sottalǵandyǵy anyqtaldy. Almatyda onyń turaqty meken-jaıy da, jumys orny da joq. Ol qylmystyq jolmen kún kóretindigin jáne tek qoǵamdyq oryndarda bógdeniń múlkin jymqyrýmen aınalysatyndyǵyn moıyndady. Tájirıbeli ury úshin qaltaǵa túsý - ońaı olja kózi. Sondyqtan olar muny kásip kózine aınaldyryp alǵan. Qazir, ustalǵan urynyń basqa da qylmystarǵa qatysynyń bary-joǵy anyqtalyp jatyr», - dedi Túrkisib aýdandyq ІІB bastyǵy, polıtsııa podpolkovnıgi Danııar Meńdibaev.
Almaty polıtseıleri urlanǵan uıaly telefondar men basqa da mobıldi qurylǵylardy IMEI kodtary boıynsha buǵattaý isine kiriskeni belgili. Bul sharaǵa uıaly baılanys operatorlary qoldaý kórsetýde.
Almaty q. ІІD ustalǵan kúdiktiniń qylmystyq áreketinen zardap shekkender bar bolsa, myna telefon nómirlerine habarlasýlaryn suraıdy.
298-54-00 jáne 298-54-01
