Almaty polıtsııasy qalada ınteraktıvti jol belgileri ne úshin ornatylǵanyn túsindirdi

Elektrondy jańa jol belgisi 9 sáýir kúni 14:37 mınýtta Talǵar tas joly men Hantáńiri kóshesiniń qıylysynda paıda boldy. Bul qozǵalysty joldaǵy jaǵdaıǵa baılanysty rettep otyrýǵa qabiletti qural.

«Bul belgi SMD LED tehnologııalaryn qoldana otyryp, EN12966 eýropalyq standartyna sáıkes jasalǵan jáne jol belgileriniń túrli-tústi keskinin joǵary ajyratymdylyqpen kórsetýge múmkindik beredi, bul júrgizýshilerdiń belgini qabyldaý qateligin joıady. Jol belgileriniń qajetti sýreti táýliktiń ýaqytyna sáıkes (baǵdarlamaǵa sáıkes) nemese ATTsS basqarý ortalyǵynan qashyqtyqtaǵy qozǵalys jaǵdaıyna oraı arnaıy elektrondy blok arqyly kórsetiledi. Aýyspaly aqparaty bar qozǵalys belgisiniń jumys rejımi 06 saǵat 00 mınýttan bastap 11 saǵat 00 mınýtqa deıin, 4.1.1 «Týra qozǵalys» jáne 4.1.5 «Týra nemese sol jaqqa júrý».Bul kólik qozǵalysyn retteýdiń jańa tehnıkalyq quraldary qalanyń jol jelisine keńinen engizý, kúrdeli kólik túıinderinde basqarýdyń ıkemdi (ıntellektýaldy) rejımderiniń jumysyn qamtamasyz etý úshin ornatyldy, – dedi Almaty qalalyq PD ákimshilik polıtsııa basqarmasynyń bastyǵy Jandos Muratalıev.

Spıkerdiń aıtýynsha, 1 sáýirden bastap shaharda jol belgilerin jańartý jumystary júrgizilýde.

«Jyl saıyn jol-tehnıkalyq ınspektsııasynyń qyzmetkerleri jol qaýipsizdigin qamtamasyz etý sheńberinde jol jelisine kóktemgi tekseris júrgizedi. Qolaıly jaǵdaıdyń bastalýyna baılanysty qalada jol belgileri jańartyla bastady, eń aldymen tutas syzyq, bul qarsy jolaqta kele jatqan kólikterdiń qarsy qozǵalys jolaǵyna shyǵyp ketpeýi úshin, jaıaý júrginshiler ótkelderinde, jaıaý júrginshilerdi basyp ketpeýi úshin. Al boıaý jumysy táýlik boıy júrgiziletin bolady. Polıtsııa qyzmetkerleri avtokólikterdi alyp tastaý jáne olarmen soqtyǵysýdy boldyrmaý baǵytynda belgilerdi jańartý toptaryna kómek kórsetedi», – dedi Jandos Muratalıev.