Almaty polıtsııasy qala mańyn dronmen baqylaýǵa kóshti
Almatydaǵy №13 postta kezekshi polıtsııa qyzmetkerleri baqylaý beketinen ótip, qalaǵa kirýge jáne qaladan shyǵýǵa tyrysatyn adamdardy anyqtap jatyr. Bul jaǵdaıda tártip saqshylaryna qala men Almaty oblysynyń shekaralas beldeýinde ornalasqan kúzet mekemesiniń qyzmetkerleri kómektesedi.
«Joǵarydan baqylaý arqyly qaladaǵy karantın rejımin buzýshylardyń naqty ornalasqan jerin bilýge jáne anyqtaýǵa bolady. Bul aımaqta táýlik boıy taý bókterinde azamattyq kvadrokoptermen birge atty patrýlder de jumys isteıdi, bul ereje quqyqbuzýshylardyń qashýyna múmkindik bermeıdi. Osy aımaq arqyly ótýdi qalaıtyn adamdardyń sanyn azaıtýǵa múmkindik berdi. Taýlarǵa jaqyndaǵanda quqyqbuzýshylar drondy, atty patrýldi kórip, artqa sheginedi. Osyǵan baılanysty kúzet agenttiginiń alǵys aıtamyz», – dedi Medeý aýdandyq polıtsııa basqarmasynyń basshysy Bolat Totybaev.
Buǵan deıin, karantın perımetriniń qoljetimsiz jerlerin Almaty polıtsııasy atpen júrip baqylaıtynyn habarlaǵan edik.