Almaty polıtsııasy iz-tússiz joǵalǵan 18 jastaǵy Juldyz Ermanovany izdestirýde
Іzdeý sharasyna eriktiler de qatysýda.
Ol sotqa deıingi biryńǵaı tergeý tizilimine engizildi.
«Jumys tártibi boıynsha izdeý sharalaryn uıymdastyrý jáne júzege asyrý maqsatynda arnaıy tergeý-jedel toby quryldy. Onyń quramyna krımınaldyq polıtsııa bólimsheleri men jergilikti polıtsııa qyzmetiniń ókilderi endi. Qazirgi tańda biz iz-tússiz joǵalǵan qyzdyń ómir súrý saltyn jáne sońǵy ýaqytta onymen tildesken adamdardy anyqtap jatyrmyz», - dedi Almaly aýdandyq ishki ister basqarmasy bastyǵynyń mindetin atqarýshy, polıtsııa podpolkovnıgi Rústem Ábdirahmanov.
«QazAqparat» tilshisine telefon arqyly bergen jaýabynda Juldyzdyń ápkesi Aqsholpan Ermanova sińlisiniń 1 tamyz kúni keshki saǵat 18:00-de úıden shyǵyp ketkendigin aıtty. Sodan Juldyz oralmaǵan. Ol qysqa djınsı shalbar jáne ústine qońyr tústi kıim kıgen. Aqshyl kók tústi asynǵan sómkesi bar. Kózildirik taqqan. Órilgen uzyn shashty.
«Sińlim keshki asqa kelmedi. Sodan biz onyń dostaryna habarlasyp, túni boıy izdedik. 2 tamyz kúni kúndiz polıtsııa bólimine aryz berdik. Qazir izdestirý jalǵasyp jatyr. Ázirge nátıje bolmaı tur. Juldyzdyń jigiti joq. Ol ádette «Meloman» dúkenine jıi baratyn. Biraq, beınekameraǵa túspegen. Ony eshkim kórmepti», - dedi Aqsholpan Ermanova.
Sondaı-aq, Aqsholpan Juldyzdy biletinder bolsa habarlasýlaryn, al kúshtep ustap turǵandar bolsa, jiberýlerin, bul úshin qylmystyq is qozǵatpaıtyndaryn aıtty.
Juldyzdy biletinder nemese ony kórgender bolsa, onyń týystarynyń myna telefon nómirlerine habarlasýlaryna bolady:
+7778 360 87 77; +7 705 799 99 44.
