Almaty polıtsııasy ınternattaǵy tóbelestiń mán-jaıyn anyqtap jatyr
ALMATY. QazAqparat - Almatynyń №10 mektep-ınternatynda bolǵan tóbeles isine qatysty polıtsııa sotqa deıingi tergeýdi bastap ketti, dep habarlaıdy QazAqparat tilshisi.
Almaty ІІD baspasóz qyzmeti habarlaǵandaı, áleýmettik jelide beınejazbasy taraǵan oqıǵaǵa qatysty QR QK 140-baby boıynsha sotqa deıingi tergeý bastalǵan. Ony Bostandyq aýdany ІІB tergeý bólimi júrgizip jatyr.
Beınejazbada tárbıeshi tártipsizdigi úshin bolsa kerek, balanyń qulaǵynan tartyp, betinen shapalaqpen salyp qalǵan. Oqıǵa áleýmettik jaǵdaıy tómen otbasylardyń balalary tárbıelenetin №10 mektep-ınternatta bolǵan.
Keıinirek tárbıeshiniń jumystan shyǵarylǵany belgili boldy.
