Almaty polıtsııasy buzaqylardy adam ómirine qaýip tóndirdi dep aıyptady
ALMATY. QazAqparat - Almatyda polıtsııa kóshedegi aryq toryn qasaqana syndyrmaq bolǵan eki jigitke qatysty shara qoldanbaq, dep habarlaıdy QazAqparat tilshisi.
Qalalyq polıtsııa departamentiniń baspasóz qyzmeti habarlaǵandaı, beınejazba WhatsApp jelisinde tarala bastaǵan.
Beınekadrda eki jigit jol shetindegi aryqtyń betindegi shoıyn tordyń ústinen sekirip, aıaǵymen syndyra bastaǵan.
«Bulaı jasaýǵa múlde tyıym salynǵan. Qısaıǵan aryq torynyń kesirinen qanshama apat bolyp jatyr. Adamdar shuńqyrǵa túsip ketýi múmkin. Bul salyq tóleýshilerdiń aqshasyn qurtý. Bul basbuzarlar mindetti túrde ustalyp, olarǵa qarsy jaza qoldanylatyn bolady», - dedi qalalyq Polıtsııa departamentiniń resmı ókili Saltanat Ázirbek.
