Almaty polıtsııasy buryn sottalǵan azamattardy tekserip jatyr
ALMATY. QazAqparat- Almaty polıtsııasy buryn sottalǵan jáne esepte turǵan azamattardy tekserý boıynsha «Esepke alý» sharasyn júrgizip jatyr.
Bul týraly búgin Almaty q. ІІD baspasóz qyzmetinen habarlady.
Bul jedel-aldyn alý sharasynyń maqsaty - buryn sottalǵan adamdar tarapynan jasalýy múmkin qylmystar men quqyq buzýshylyq áreketterdiń aldyn alý.
«2 aqpannan bastap bul shara Áýezov jáne Jetisý aýdandaryn qamtydy. Inspektorlar esepke alynǵan azamattar men aýdandyq ІІB esebinde turǵan, qylmystyq jene ákimshilik quqyq buzýshylyqtar jasaýǵa beıim adamdardy tekserýdi qolǵa aldy. Bul sharaǵa jergilikti polıtsııa qyzmetiniń búkil quramy jáne basqa da qyzmetter jumyldyryldy. Ázirge esepte turǵan, buryn qylmystyq jaýapkershilikke tartylǵan 2 myń 249 adamnyń bir myńnan astamy tekserildi. Qalǵandary búgin tekseriledi», - dedi Almaty q. ІІD Jergilikti polıtsııa qyzmetiniń jetekshisi, polıtsııa podpolkovnıgi Jasulan Baıkenov.
Tekserý nátıjesi boıynsha buryn qylmystyq jaýapkershilikke tartylǵan, sondaı-aq esepke turýdan jaltaryp júrgen 20 adam esepke alyndy. Shartty túrde merziminen buryn bosap shyqqandar arasynda belgilengen shekteýdi buzý boıynsha bir derek jáne shartty túrde sottalǵandar arasynda 4 derek anyqtaldy.
«Jedel-aldyn alý sharasy barysynda 19 qylmystyń beti ashyldy, 121 adam ákimshilik jaýapkershilikke tartyldy.
Ázirge bul bir kúndik kórsetkishter. Endi basqa da aýdandar qamtylady. Bul shara qalada krımnınogendik ahýaldyń jaqsarýyna septigin tıgizedi», - dedi podpolkovnık Baıkenov.
