Almaty polıtsııasy birneshe páter tonaǵan uryny qolǵa túsirdi (FOTO)
ALMATY. QazAqparat - Almaty polıtsııasy talaı ret páter tonaǵan uryny qolǵa túsirip, baýkespeden ondaǵan zattaı aıǵaqtardy tárkiledi, - dep habarlaıdy búgin Almaty q. ІІD baspasóz qyzmetinen.
36 jastaǵy Ózbekstan azamaty páterlerden tondar, kúrtkeler, aıaq kıimder, ashanalyq ydys-aıaqtar, qurylysqa arnalǵan qural-saımandar, maı radıatoryn, tósek-oryn jaımasyn, qarakúzen qalpaq, tipti besikke deıin urlaǵan. ıAǵnı, jeńil tabysqa qunyqqan ózbekstandyq qaskúnem páterde qolyna túskenniń barlyǵyn jymqyryp otyrǵan.
«Kúdiktini biz múliktik qylmystyń jolyn kesýge baǵyttalǵan keshendi shara barysynda anyqtadyq. Sońǵy ýaqytta Almatynyń kottedjdik qalashyqtarynda páter tonaý oqıǵalary kóbeıip ketti.
Kúdikti páterge kúndiz, úı ıeleri joq kezde túsetin bolǵan. Alǵashqy kúni júrgizilgen protsessýaldyq árekettiń arqasynda kúdiktiniń tek bizdiń aýdannyń aýmaǵynda bolǵan bes qylmysqa qatysy bar ekendigi anyqtaldy. Urlanǵan zattardyń ártúrliligine qarap, urynyń basqa da aýdandarda tonaýshylyqpen aınalysý múmkindigin joqqa shyǵarýǵa bolmaıdy. Al zattaı aıǵaqtar, onyń «Qalqaman» yqshamaýdanyndaǵy jalǵa alyp turyp jatqan páterinen tabyldy. Bul jerde ol áıeli jáne eki balasymen turyp kelgen», - dedi Naýryzbaı aýdandyq ІІB bastyǵy, polıtsııa polkovnıgi Muhıt Shaıhın.
Polıtsııa qyzmetkerleri protsesýaldyq áreketterdi jan-jaqty júrgizý maqsatynda kúdiktiden tárkilengen zattardy kópshilik nazaryna usyndy. Keıbireýler óz zattaryn tanýy ábden múmkin. 
