Almaty polıtsııasy belgili ánshi túsirgen vaınǵa qatysty málimdeme jasady
ALMATY. QazAqparat - Almaty polıtsııasy ánshi Kental túsirgen vaınǵa qatysty málimdeme jasady, dep habarlaıdy QazAqparat tilshisi.
PD áleýmettik jelilerdi baqylaý kezinde osy vıdeony anyqtaǵan.
Beınekadrde polıtsııa qyzmetkeri beınesindegi er adam: «Bárińe sálem, dostar! Kim kúızeliske dýshar bolsa, júregi aýyrsa, jumysta, otbasynda qıyndyqtar týyndaǵan bolsa, bireýdi nesıe qınasa. Ýaıymdamańyz. Báribir bárimiz de ólemiz», - dedi.
Tekserý kezinde vıdeo avtory ánshi jáne akter Talǵat Kenjebolatov (Kental) bolyp shyqty.
Áleýmettik jelide jarııalanǵan post polıtsııaǵa qarsy halyqtyń narazylyǵy men túsinispeýshiligin týdyrdy.
«Almaty polıtsııasy bul vıdeodaǵy polıtsııa formasyndaǵy er adam is júzinde ishki ister organdarynyń qyzmetkeri emes ekenin habarlaıdy. T. Kenjebolatovtyń is-áreketine qatysty júrgizilgen tekserý nátıjeleri boıynsha quqyqtyq baǵa beriledi. Qazaqstanda koronavırýs ınfektsııasynyń taralýyna jáne qaıǵyly oqıǵalarǵa baılanysty qalyptasqan jaǵdaı aıasynda mundaı úndeýler, tipti ázil úshin bolsa da, ásirese polıtsııa formasyn qoldanǵany orynsyz», - dedi polıtsııadan.
Aıta ketý kerek, keshe ánshi Instagram jelisinde jazba jarııalady. Ony arnaıy batalon qyzmetkerleri eshteńe túsindirmesten ýchaskege alyp ketken. Sonda ánshi bul vaın osydan 4 jyl buryn túsirilgenin aıtqan.
